le Ciarán Tierney

Thóg sí i bhfad níos faide ná mar a bhí beartaithe aici teacht anseo, ach ní fhéadfadh an t-am a bheith níos fearr do Sandra Heemskerk ón Ísiltír mar gur bhain sí sult as seachtain saoire ar Inis Oirr faoi sholas na gréine an tseachtain seo caite.

Bhuaigh Sandra an chéadí  chrannchur tiomsaithe airgid a reáchtáil Áras Éanna i mí Iúil na bliana seo caite agus bhí uirthi moill a chur ar a turas go hOileáin Árann mar gheall ar shrianta an choróinvíris in Éirinn agus san Ollainn anuraidh.

An rud nach raibh beartaithe aici nuair a chuir sí isteach ar an gcomórtas ‘Éalú Draíochta’ ná go mbeadh sí seacht mí go leith ag iompar clainne lena céad leanbh faoin am a bhain sí an t-oileán amach!

Tháinig sí go hInis Oirr lena páirtí, Chaim Dijkstra agus a tuismitheoirí Janneke agus Dirk, agus bhain sí taitneamh as turais timpeall an oileáin, folcadh feamainne, agus lá amuigh ar Inis Meáin le linn a dtréimhse anseo ar an oileán.

“Táim thar a bheith sásta gur shroicheamar Inis Oirr faoi dheireadh,” a deir sí le linn lóin i dTigh Ned.

“Is am iontach é Meán Fómhair a bheith anseo agus bhí seachtain iontach againn. Thóg sé bliain iomlán orainn teacht anseo. Ar dtús bhí Covid ann agus anois tá leanbh ar an mbealach!”

Thug Sandra, atá ina healaíontóir, cuairt ar Áras Éanna agus í ar thuras chun cuairt a thabhairt ar chara a bhí ag críochnú cúrsa iarchéime in Ollscoil na Gaillimhe cúpla bliain ó shin.

“Tháinig muid amach ar feadh lae chun cuairt a thabhairt ar Oileáin Árann. Shíl muid go dtabharfaimis cuairt ar Inis Meáin, ach d’fhan muid ar an mbád ag an nóiméad deireanach agus chríochnaigh muid ag teacht go hInis Oirr ina áit,” a deir Sandra.

“Thug mé faoi deara go raibh ionad ealaíne anseo ar Inis Oirr agus mar sin tháinig mé aníos le breathnú, ó tharla gur ealaíontóir mé féin. Thaitin an foirgneamh liom. Nuair a chuaigh mé ar ais abhaile go dtí an Ollainn, thosaigh mé ag seiceáil ar shuíomh idirlín Áras Éanna anois is arís, agus mar sin fuair mé amach faoin gcomórtas.”

Fógraíodh Sandra mar bhuaiteoir an chomórtais ‘Éalú Draíochta’ tráthnóna grianmhar i mí Iúil na bliana seo caite, ach is beag nár chuala sí faoin duais.

Tháinig an ríomhphost a sheolamar chuici ina ríomhphost “turscar” agus ba bheag an mhíorúilt é gur tharla sí chun a turscar a sheiceáil tráthnóna Dé Domhnaigh sin.

“Shíl mé go raibh duine éigin ag magadh nuair a fuair mé do ríomhphost ar dtús. Faigheann tú na ríomhphoist seo maidir le duais a bhuachan agus ní chreideann tú iad! Tháinig do r-phost i dtír i mo thurscar i ndáiríre, ach le buíochas le seans iomlán sheiceáil mé mo thurscar an deireadh seachtaine sin!”

I measc na duaise a bhain leis an saoire bhí go leor rudaí breise, ar nós “pampering” in aisce le Annette ag Aran Seaweed Baths and Spa agus turas timpeall an oileáin ar chapall agus ar chairt, a bhí bronnta go fial ag gnólachtaí áitiúla anseo ar Inis Oirr.

“Saoire álainn, réchúiseach a bhí againn anseo ar Inis Oirr,” a deir Sandra. “Chuamar ar camchuairt timpeall an oileáin agus bhaineamar taitneamh as suathaireacht iontach agus folcadáin feamainne.

“Ba bhreá linn éisteacht le na ceoltóirí iontacha sna tithe tábhairne. Agus sheol muid go hInis Meáin ar feadh lae freisin. Bhí seachtain chomh iontach againn anseo ar an oileán. Tá na daoine chomh cairdiúil agus tá an timpeallacht iontach.”

“Beidh muid ar ais!”

Coinnigh súil ar shuíomh idirlín Áras Éanna agus ar na meáin shóisialta le haghaidh sonraí faoi chomórtas eile chun saoire a bhuachan ar an oileán in 2023.

Slán leat, Sandra!