The Unwanted

Cathy Jordan, Rick Epping & Seamie O’Dowd- triúr ceoltóir den scoth a bhfuil a saol tugtha don cheol acu. Gig iontach a bheidh anseo le traidisiúin shaibhre ceoil ó dhá thaobh an Atlantaigh á sheinm acu. Is triúr ceoltóir cumhachtach as Sligeach iad agus léiríonn siad tuiscint dhomhain agus meas ar cheol ón Seansaol agus ar an gceol Nua. Nascann siad na traidisiúin seo, an sean agus an nua, ina chéile go deas réidh agus iad ag léiriú go mbíonn síorathrú ar cheol inniu féin de réir mar a thránn agus a thuileann an ceol ar fud bhealach Imeall an Atlantaigh. Cuirtear fáilte mhór i gcónaí roimh ‘The Unwanted’ cibé áit a mbíonn siad ar stáitse.