BEGIN:VCALENDAR
VERSION:2.0
PRODID:-//Áras Éanna - ECPv6.15.17//NONSGML v1.0//EN
CALSCALE:GREGORIAN
METHOD:PUBLISH
X-WR-CALNAME:Áras Éanna
X-ORIGINAL-URL:https://aras-eanna.ie
X-WR-CALDESC:Events for Áras Éanna
REFRESH-INTERVAL;VALUE=DURATION:PT1H
X-Robots-Tag:noindex
X-PUBLISHED-TTL:PT1H
BEGIN:VTIMEZONE
TZID:UTC
BEGIN:STANDARD
TZOFFSETFROM:+0000
TZOFFSETTO:+0000
TZNAME:UTC
DTSTART:20250101T000000
END:STANDARD
END:VTIMEZONE
BEGIN:VEVENT
DTSTART;TZID=UTC:20260604T200000
DTEND;TZID=UTC:20260604T223000
DTSTAMP:20260901T033106
CREATED:20260515T112758Z
LAST-MODIFIED:20260515T112758Z
UID:19780-1780603200-1780612200@aras-eanna.ie
SUMMARY:Clare Sands
DESCRIPTION:As Corcaigh í Clare Sands\, fidléir den tséú glúin agus amhránaí dátheangach. Tarraingíonn sí go domhain ar cheol a sinsear\, agus fíonn sí fréamhacha traidisiúnta Gaelacha le fuaimeanna agus tionchair chomhaimseartha. Tá a cuid amhrán nasctha go domhain le háit\, ag tabhairt béaloideas\, teanga agus gníomhaíochas le chéile sa cheol. Tá cáil uirthi as a fuinneamh bríomhar agus spreagúil – tá spiorad neamheaglach ar nós gaiscíoch aici\, a spreagann agus a aontaíonn lucht éisteachta timpeall an domhain. \nAg dul lena saothair nuálacha ceoil tá léirithe beo spleodracha – tugann sí a lucht éisteachta ar aistear iontach lán le dóchas\, amhránaíocht\, ceiliúradh agus croí. \nBeidh albam nua á eisiúint aici i bhFómhar 2026\, rud a léiríonn nach bhfuil aon chuimhneamh aici moilliú anuas. Is cruthúnas í ar chumhacht buan an cheoil maidir le daoine a aontú agus a spreagadh\, trúbadóir don lá atá inniu ann\, a théann i bhfeidhm ar ghlúnta agus ar chultúir éagsúla. \nDéardaoin\, 4 Meitheamh\, 8:30i.n.\, Áras Éanna \nTicéid €25/20 ar Eventbrite
URL:https://aras-eanna.ie/event/clare-sands-2026/
LOCATION:Áras Éanna
CATEGORIES:Concert,Events
ATTACH;FMTTYPE=image/png:https://aras-eanna.ie/wp-content/uploads/2026/05/InisOirr_CS_Blank.png
ORGANIZER;CN="Aras Eanna Ionad Ealaine":MAILTO:araseanna@gmail.com
END:VEVENT
BEGIN:VEVENT
DTSTART;TZID=UTC:20260619T203000
DTEND;TZID=UTC:20260619T223000
DTSTAMP:20260901T033106
CREATED:20260520T093708Z
LAST-MODIFIED:20260610T121007Z
UID:19790-1781901000-1781908200@aras-eanna.ie
SUMMARY:Maria Somerville + Olan Monk
DESCRIPTION:Dé hAoine\, 19 Meitheamh\, 8:30i.n.\, Áras Éanna \nTicéid €30/25 \n(Grianghraf MS le Cáit Fahy\, agus OM le Charlie Doherty) \nMaria Somerville \nBhí an ceoltóir Éireannach\, Maria Somerville\, imithe as a háit dúchais i gConamara le fada an lá faoin am ar thosaigh sí ag scríobh ‘Luster’\, a céad albam don lipéad cáiliúil 4AD. D’fhás sí suas faoin tuath i dtírdhreach fiáin sléibhtiúil chósta thiar na Gaillimhe agus bhog sí ina dhiaidh sin go Baile Átha Cliath\, áit ar thóg sí a ham ag forbairt stíl ceoil atmaisféarach dream pop a bhí spreagtha ag tírdhreach a hóige – domhan fuaime draíochtúil leictreonaice\, strumáil aerga giotáir\, cnagadh éadlúth\, agus liricí íseal ceoil. Tháinig sé seo uilig le chéile sa bhliain 2019 in ‘All My People’\, albam féinfhoilsithe lán le haisfhuaimniú\, cumha agus tnúthán don bhaile\, a thuill moladh ón bpreas agus ó éisteoirí géarchúiseacha araon. \nNuair a d’fhill sí ar Chonamara\, chuig teach in aice leis an áit ar tógadh í\, ag breathnú amach ar Loch Coirib\, ceann de na lochanna is mó in Éirinn\, thosaigh sí ag obair ar na hamhráin a chríochnaigh suas ar an albam Luster\, albam a thugann léiriú nua ar cheol Somerville\, á bhrú chun cinn ó thaobh fuaime agus spiorad. Chuir ‘Where All My People’ cuimhní agus tnúthán duairc in iúl trí bhailéid mhalla ceobhránacha\, ach taispeánann na 12 traic seo ealaíontóir atá níos muiníne ar an gcosán saoil atá glactha anois aici agus atá inti féin mar dhuine. \nMar a chanann sí i ‘Trip’ – – “I can see more clearly than I could before. I know now what’s true for me.” \nNuair a d’fhill sí ar a háit dúchais fuair sí spreagadh as an timpeallacht agus misneach ón bpobal rud a thug fuinneamh cruthaitheach nua di. Ba ‘thalamh torthúil’ an áit do sheisiúin taifeadta neamhshrianta\, bhain sí úsáid as a seomra beag suí mar stiúideo\, áit ar chuir sí taifeadtaí samplacha le chéile a forbraíodh ansin le cabhair cairde agus comhoibrithe\, agus a mheasc an t-innealtóir cáiliúil Gabriel Schuman atá lonnaithe i Nua-Eabhrac.I measc na gcuiditheoirí bhí na léiritheoirí J. Colleran\, Brendan Jenkinson agus Diego Herrera (aka Suzanne Kraft)\, mar aon le Ian Lynch ó Lankum\, a gcloistear dosanna a phíb uilleann ar ‘Violet’ agus Margie Jean Lewis le boghanna a veidhlín ag aisfhuaimniú trí smúit thimpeallach ‘Flutter’. Bhí seisiúin leis na ceoltóirí Henry Earnest agus Finn Carraher McDonald (aka Nashpaints) ina chúnamh mór chun é uilig a thabhairt ina chéile\, agus chuir rannchuidiú a cairde Roisin Berkley agus Olan Monk leis an gcomrádaíocht eatarthu ó d’fhill Somerville ar Chonamara. \nÓ 2021\, tá léargas faighte ag éisteoirí ar shaol Somerville trína Early Bird Show ar Raidió NTS gach maidin Luan agus Máirt\, ina gcloistear meascán roghanna ceoil timpeallach agus shoegaze go hamhráin traidisiúnta Éireannacha. An bhliain chéanna sin shínigh sí le 4AD agus chuaigh sí ar chamchuairt lena comrádaithe lipéad ‘Dry Cleaning’\, ag taifeadadh dhá chlúdach do chomóradh 40 bliain an lipéid – ‘Kinky Love’ le Nancy Sinatra agus ‘Sea Bird’ le Air Miami. Le heisiúint ‘Luster’ bhí ré nua á chur in iúl aici inar facthas í in 2025 ag seinm mórthimpeall an domhain le banna beo. Is féidir leat a bheith cinnte áfach cibé áit a dtéann Somerville go dtugann sí píosa den bhaile léi – spiorad buan beo atá le mothú i chuile nóta chomh glan leis an aer le hais na Coiribe. \nOlan Monk – ceoltóir\, taibheoir agus scríbhneoir as Conamara\, Éire \nTá a ndara albam\, Songs for Nothing\, amuigh anois ar AD 93. \nScríobhadh an t-albam tar éis do Monk filleadh ar chósta thiar na hÉireann\, agus tarraingíonn sé ar amhránaíocht sean-nóis agus liriciúlacht fhaoistiniúil Shinéad O’Connor\, ag meascadh traidisiún Éireannach le rac gotach trialach. Trí uigeacht éagsúil shoegaze\, cloudrap agus foinn mhalla músclaíonn an t-albam tírdhreach garbh Chonamara mar aon le mothú domhain áite. \nLe rannchuidiú Maria Somerville\, Michael Speers\, Dylan Kerr\, agus daoine eile\, trí Songs for Nothing athshamhlaítear traidisiúin amhránaíochta na hÉireann le déine amh chroíúil. Tiomnaíonn Monk é “do Chonamara agus dóibh sin uilig arbh é a mbaile é” \nScríobhann siad amhráin thrialacha agus coitianta\, bíonn siad ar stáitse astu féin agus in éindí le ceoltóirí eile\, lena n-áirítear taifeadtaí agus léirithe le Actress\, Ashley Paul\, Elvin Brandhi\, James K\, Maria Somerville\, Michael Speers\, Moin\, Princ€ss agus Shampain. I gcomhar le Lugh O’ Neill bhunaigh siad C.A.N.V.A.S. in 2018 mar shraith imeachtaí agus lipéad ceoil\, chun tacú le pobal ealaíontóirí atá ag éirí níos scaipthe agus chun ardán comhroinnte a thabhairt dóibh. \nI measc eisiúintí dá gcuid roimhe seo tá Love/Dead (2020) agus Auto Life (2021) ar C.A.N.V.A.S. agus Dubplate 08 (2022) ar AD 93. Chuir siad an singil ‘Surf’ ar fáil d’albam Scenic Route -The Road Less Travelled (2024) agus tá siad le cloisteáil ar an singil ‘Guess It’s Wrecked’\, ó tríú albam Moin ‘You Never End’ (2024)\, a bhí eisithe ar AD 93. Bhí siad ar stáitse ag Rewire sa Háig; Aiséirí i Leisureland\, Gaillimh; An Ceoláras Náisiúnta\, B.Á.C; Ionad Taighde Sonic Arts\, Béal Feirste; caifé OTO\, Londain; Halla Barbican\, Londain; An Institiúid um Ealaín Chomhaimseartha\, Londain; PAF Olomouc; EOS crossings\, Frankfurt agus ar fud na hÉireann\, Sasana agus Mór-roinn na hEorpa.
URL:https://aras-eanna.ie/event/maria-somerville-olan-monk/
LOCATION:Áras Éanna
CATEGORIES:Ceolchoirm,Concert
ATTACH;FMTTYPE=image/png:https://aras-eanna.ie/wp-content/uploads/2026/05/MS_OM.png
ORGANIZER;CN="%C3%81ras %C3%89anna":MAILTO:eolas@aras-eanna.ie
END:VEVENT
BEGIN:VEVENT
DTSTART;TZID=UTC:20260626T203000
DTEND;TZID=UTC:20260626T220000
DTSTAMP:20260901T033106
CREATED:20260610T120416Z
LAST-MODIFIED:20260610T120542Z
UID:19824-1782505800-1782511200@aras-eanna.ie
SUMMARY:Máirtín O'Connor\, Cathal Hayden\, Séamie O'Dowd
DESCRIPTION:Dé hAoine\, 26 Meitheamh\, 8:30i.n.\, Áras Éanna \nTicéid €30/25 \nÓna gcéad uair ar stáitse do Thríréad Mháirtín O’ Connor i Sligeach ag tús na 2000idí tá camchuairt tugtha acu ar fud an domhain agus dhá thaifeadadh déanta acu\, “Crossroads” agus “Going Places” a fuair moladh mór ó lucht léirmheastóireachta. \nThug a dtaisteal iad chuig an ‘Sydney Opera House’ agus an ‘New York Symphony Space Centre’ mar chuid de cheolchoirmeacha Máistrí Traidisiúin Martin Hayes. Thug siad camchuairt freisin ar Lár agus Oirthear na hEorpa in éineacht leis an ngiotáraí cáiliúil Astrálach Tommy Emmanuel agus bhí gigeanna dá gcuid féin acu in Éirinn\, sa Bhreatain\, san Eoraip\, i Stáit Aontaithe Mheiriceá\, Ceanada\, san Astráil agus sa Nua-Shéalainn\, agus míle fáilte ag an lucht éisteachta rompu i gcónaí. \nBhí siad i dteannta Christy Moore freisin ag go leor ceolchoirmeacha agus ina n-aíonna ar thrí cinn de na taifeadtaí is déanaí dá chuid. Cuirtear síos go cruinn orthu mar thriúr mór le rá de cheoltóirí traidisiúnta na hÉireann\, agus tá a léiriú beo ina aistear cuaifeach fíorúil a théann ó chroílár thraidisiúin cheoil na hÉireann go himill na dteorainneacha is faide amach de. \nChaith Máirtín O’ Connor tréimhse an-tioncharach le De Danann\, Midnight Well\, Skylark\, agus tamall ag seinm sa seó cáiliúil Riverdance nuair a thosaigh siad amach. Sheinn sé freisin i dteannta Mark Knopfler\, Tanita Tikaram\, The Contempo Quartet\, The Boys Of The Lough agus go leor leor eile. Agus trína halbaim iontacha atá eisithe aige\, ar nós The Connachtman’s Rambles\, Perpetual Motion\, Chatterbox\, The Road West agus Rain Of Light\, a chumas iontach ar an mbosca ceoil agus a chuid cumadóireachta tá ainm bainte amach aige mar laoch de cheol na hÉireann. Tá go leor gradam agus duaiseanna bronnta ar Mháirtín mar aitheantas ar a thallann cheoil\, agus tá sé gan aon dabht ar dhuine de na ceoltóirí is fearr a bhí in Éirinn riamh. \nNí gá Cathal Hayden a chur in aithne d’aon duine\, fiú iad sin nach bhfuil ach beagán feasachta acu ar cheol traidisiúnta na hÉireann. Tá Craobh Uile-Éireann bainte amach aige ar an bhfidil agus ar an mbainseó\, inspioráid bhuan do cheoltóirí traidisiúnta atá ag teacht chun cinn agus ball bunaidh de na sárcheoltóirí ‘Four Men and a Dog’\, tá grúpa iontach fidle bunaithe aige freisin lena dheartháir Stephen agus an fidléir óg cumasach Niall Murphy as Ard Mhacha ar a dtugtar ‘The Bow Brothers’. D’oibrigh sé freisin i gcomhar le baill den bhanna cáiliúil Meiriceánach ‘The Band’ agus go leor ealaíontóirí eile taobh istigh agus amuigh de thraidisiúin cheoil na hÉireann. Agus mar bharr air sin uilig\, luadh ‘Four Men and a Dog’ i sceitse de chuid Billy Connolly!!! \nSheinn an t-il-ionstraimí Seamie O’Dowd ar an raidió den chéad uair ag deich mbliana d’aois agus ag aois a cúig déag sheinn sé ar chlár faisnéise BBC a bhí déanta faoin laoch cáiliúil Dick Gaughan a sheinneann ceol tíre Albanach\,. Tá clú agus cáil bainte amach ag Seamie mar dhuine de na ceoltóirí is fearr in Éirinn. Bhí sé ar chamchuairt timpeall an domhain ar feadh sé bliana mar bhall den ghrúpa iontach as Sligeach\, Dervish\, agus sheinn sé le Liam O’Flynn\, Kevin Burke\, Na Chieftains\, The Unwanted\, Arcady\, Mary Mac Partlan\, New Road\, Thom Moore\, an pianódóir as Sligeach Kieran Quinn agus go leor eile. D’oibrigh Seamie freisin mar léiritheoir agus mar cheoltóir seisiún ar roinnt taifeadtaí a fuair ardmholadh ó lucht léirmheastóireachta.
URL:https://aras-eanna.ie/event/mairtin-oconnor-cathal-hayden-seamie-odowd/
LOCATION:Áras Éanna
CATEGORIES:Ceolchoirm,Concert
ATTACH;FMTTYPE=image/jpeg:https://aras-eanna.ie/wp-content/uploads/2026/06/Mairtin-OConnor-Trio-2.5MB-by-Peter-Harkin-scaled-1.jpg
ORGANIZER;CN="%C3%81ras %C3%89anna":MAILTO:eolas@aras-eanna.ie
END:VEVENT
BEGIN:VEVENT
DTSTART;TZID=UTC:20260711T203000
DTEND;TZID=UTC:20260711T220000
DTSTAMP:20260901T033106
CREATED:20260626T094905Z
LAST-MODIFIED:20260626T094905Z
UID:19793-1783801800-1783807200@aras-eanna.ie
SUMMARY:Síomha
DESCRIPTION:Dé Sathairn\, 11 Iúil\, 8:30i.n.\, Áras Éanna \nTicéid €30/25 \nGrianghraf le Zé Bateira \nIs amhránaí agus giotáraí neamhspleách Éireannach í Síomha (She-vah) a bhogann go réidh idir ceol tíre\, snagcheol agus neo-soul\, tugann sí an lucht éisteachta ar aistear dodhearmadta gan choinne lena foinn anamúla. Is bailiúchán d’amhráin Ghaeilge agus Béarla atá ina céad albam ‘Infinite Space’\, agus déanann an Irish Times cur síos air mar “a seriously accomplished and self-confident debut”. Saghas ceoil cosmach pop é bunaithe ar cheol tíre\, le blas snagcheoil – is é Tyler Duncan\, a bhfuil ainmniúchán Grammy aige\, a chur le chéile é agus tá ceoltóirí mór le rá air lena n-áirítear Joe Dart (Vulfpeck)\, Louis Cato (Bobby McFerrin/ Snarky Puppy)\, Martin Atkinson Borrull (Toucan) agus an veidhleadóir Jeremy Kittel (Bela Fleck/ Chris Thile). Tá guth Shíomha lán le taithí amh ón gcroí. Ag éisteacht léi bíonn mothúcháin an-domhain ag an lucht éisteachta ar an bpointe agus fágann siad le ceangal níos dlúithe lena saol féin. \nAg teacht ó chlann fíorcheolmhar d’fhás sí suas le lucht ceoil mór le rá inar bhfuair sí taithí ar mheascán den snagcheol\, ceol traidisiúnta\, ceol tíre agus sól\, rud a d’fhág rian doscriosta ar a rogha agus tionchar ceoil. Thosaigh sí ag seinm an ghiotáir ag aois a deich mbliana ach ba ina dhiaidh sin\, sna déaga di\, agus í ag freastal ar scoil i ndeisceart na Fraince a thóg sí suas an giotár snagcheoil tar éis di bualadh trí sheans le giofóg Iodálach a mhúin stíl snagcheoil manouche na ngiofóg di. Bhí sí an-tógtha go deo le cordaí agus fuaimeanna an tsnagcheoil\, fuair sí spreagadh as agus thosaigh sí ag cumadh a cuid amhrán féin. \nSna cúpla bliain ina dhiaidh sin chuaigh sí ag taisteal agus a cuid ceoil ag treorú an bhealaigh\, ag tógáil isteach fuaimeanna na n-áiteanna ar thug sí cuairt orthu agus ag cur lena ceird. Ag deireadh 2016\, tar éis di Meiriceá\, Ceanada agus Meicsiceo a bheith treafa aici mhothaigh sí tarraingt nádúrtha filleadh ar an mbaile agus bhí cúpla bliain iontach aici ina dhiaidh sin. Bhí sí ina haoi rialta ag an amhránaí mór le rá Paul Brady agus chan sí ag féilte ar nós Electric Picnic\, Celtic Connections\, Cambridge Folk Festival agus Fête de la Musique ag Centre Culturel Irlandais i bPáras. Sa bhliain 2018 fuair sí cuireadh dul ar chamchuairt leis an ngrúpa Meiriceánach-Éireannach cáiliúil agus comhaimseartha The Olllam agus thit sí isteach láithreach lena mball bunaidh Tyler Duncan. \nIn 2019 thosaigh Síomha agus Martin Atkinson Borrull\, a comhoibrí cruthaitheach fadtéarmach\, ag taifeadadh a céad albam i Michigan\, SÁM le Tyler mar léiritheoir. Roghnaíodh Síomha mar Ealaíontóir Taispeántais Oifigiúil ag Folk Alliance International 2023 i gcathair Kansas\, MI agus bronnadh cónaitheacht taibhithe an Music Network ag an Centre Culturel Irlandais\, Páras uirthi le deireanas áit a gcaithfidh sí mí ag obair ar ábhar nua. Tugadh cuireadh di le deireanas chun roinnt dá cuid amhrán a thaifeadadh le Ceolfhoireann RTÉ agus ba é Cormac McCarthy a shocraigh é seo. Eiseofar na traiceanna seo ar EP nua dar teideal ‘Infinite Space Reimagined’\, ag teacht i ndiaidh a céad albam uaillmhianach. Beidh traic le ‘Metropole Orkes’t ar an EP freisin\, ceolfhoireann pop agus snagcheoil mór le rá an domhain\, a bhfuil obair déanta acu i gcomhar le Ella Fitzgerald\, Bono\, Snarky Puppy agus Robbie Williams. \nIs ealaíontóir croíúil í Síomha agus tá ceol difríocht aici de na gnáthchineálacha ceoil. Tá tionchar a cúlra ceoil\, a cuid taistil agus a cíoradh ar an gceol inchloiste sa gceol a chruthaíonn sí. Canann sí amhráin i nGaeilge agus i mBéarla\, í i gcónaí bródúil as a hoidhreacht Éireannach. Is údar mór inspioráide don ealaíontóir bródúil seo as Co. an Chláir tírdhreach álainn agus nádúr garbh a háite dúchais in Iarthar na hÉireann\, rud a spreagann í chun stíl ceoil uathúil agus anamúil a chruthú a chuireann gach duine a chloiseann é faoi gheasa.
URL:https://aras-eanna.ie/event/siomha/
LOCATION:Áras Éanna
CATEGORIES:Ceolchoirm,Concert
ATTACH;FMTTYPE=image/jpeg:https://aras-eanna.ie/wp-content/uploads/2026/05/Siomha-Press-Pic-Photo-Cred-Ze-Bateira--scaled.jpg
ORGANIZER;CN="%C3%81ras %C3%89anna":MAILTO:eolas@aras-eanna.ie
END:VEVENT
BEGIN:VEVENT
DTSTART;TZID=UTC:20260802T200000
DTEND;TZID=UTC:20260802T220000
DTSTAMP:20260901T033106
CREATED:20260715T133949Z
LAST-MODIFIED:20260715T133949Z
UID:19841-1785700800-1785708000@aras-eanna.ie
SUMMARY:Colm Seoighe agus na hEasógaí
DESCRIPTION:Ticéid €15 – Eventbrite \nAr Oscailt 8:00i.n./ Tosnú 8:30i.n. \nLonnaithe i nGaillimh \, tá Na hEasógaí ag cruthú fuaim úr-nua idir fonn\, focail agus íomhá ó bunaíodh iad i Scoil Chuimsitheach Chiaráin i 2022. Meascann na hEasógaí rac-cheoil\, ceol Gaelach agus ceol an domhain mhóir i dteannta a dteanga dúchais: an Ghaeilge. Baintear leas as uirlisí ar nós na piobaí uillin agus an giotar leictreach chun an fhuaim éagsúil seo a bhaint amach. Tá an grúpa faoi stiúir ag Colm Seoighe\, scríbhneoir agus amhránaí as Ros an Mhíl agus is iad Fionn ó Cualáin\, Daragh Jennings\, agus Muiris ó Clochartaigh (i measc comhoibritheoirí eile) baill na hEasógaí. I ndiaidh a gcamchuairt ar fud fad na tíre le Damien Dempsey\, tá siad le feiceáil ar chlár RTÉ: “An Ghig Mhór”. \nLe tacaíocht ó Pleanáil Teanga Inis Oírr \n 
URL:https://aras-eanna.ie/event/colm-seoighe-agus-na-heasogai/
LOCATION:Áras Éanna
CATEGORIES:Ceolchoirm,Concert
ATTACH;FMTTYPE=image/jpeg:https://aras-eanna.ie/wp-content/uploads/2026/07/00220da1-1440.jpg
ORGANIZER;CN="%C3%81ras %C3%89anna":MAILTO:eolas@aras-eanna.ie
END:VEVENT
BEGIN:VEVENT
DTSTART;TZID=UTC:20260919T200000
DTEND;TZID=UTC:20260919T223000
DTSTAMP:20260901T033106
CREATED:20260724T154709Z
LAST-MODIFIED:20260724T154709Z
UID:19868-1789848000-1789857000@aras-eanna.ie
SUMMARY:Ár gcairde as Tuaim agus leaid as Longfort
DESCRIPTION:Dé Sathairn\, 19 Meán Fómhair\, 8:30i.n.\, Áras Éanna | Ticéid \nTá áthas orainn a chur in iúl go mbeidh ceathrar de mhórchumadóirí amhrán Thuama linn in Áras Éanna i mbliana d’oíche amhránaíochta agus ceoil – Mouse McHugh\, Seamus Ruttledge\, Noelie McDonell agus Leo Moran in éineacht le scríbhneoir amhrán Inis Oírr\, an fear cáiliúil as Longfort\, Pat Quinn. Eatarthu bhí an ceathrar as Tuaim ag seinm leis na Sawdoctors\, The Stunning\, Na Waterboys\, Dé Dannán\, Cabin Collective agus Blaze X. Tá cáil ar Pat Quinn i bhfad agus i ngearr de bharr a chuid liricí greannmhara agus an bealach bríomhar a gcanann sé iad\, ceann acu taifeadta agus á chanadh go rialta ag Christy Moore. Is ócáid iontach a bheidh anseo\, agus muid ag fáiltiú roimh ár gcairde as Tuaim ar an stáitse in éineacht le Pat Quinn a chónaíonn anseo\, agus iad á dtabhairt ar aistear iontach lena réimse breá amhrán.
URL:https://aras-eanna.ie/event/ar-gcairde-as-tuaim-agus-leaid-as-longfort/
LOCATION:Áras Éanna
CATEGORIES:Ceolchoirm,Concert
ATTACH;FMTTYPE=image/jpeg:https://aras-eanna.ie/wp-content/uploads/2026/07/1G4A5966-2.jpg
ORGANIZER;CN="%C3%81ras %C3%89anna":MAILTO:eolas@aras-eanna.ie
END:VEVENT
END:VCALENDAR