BEGIN:VCALENDAR
VERSION:2.0
PRODID:-//Áras Éanna - ECPv6.15.17//NONSGML v1.0//EN
CALSCALE:GREGORIAN
METHOD:PUBLISH
X-WR-CALNAME:Áras Éanna
X-ORIGINAL-URL:https://aras-eanna.ie
X-WR-CALDESC:Events for Áras Éanna
REFRESH-INTERVAL;VALUE=DURATION:PT1H
X-Robots-Tag:noindex
X-PUBLISHED-TTL:PT1H
BEGIN:VTIMEZONE
TZID:UTC
BEGIN:STANDARD
TZOFFSETFROM:+0000
TZOFFSETTO:+0000
TZNAME:UTC
DTSTART:20250101T000000
END:STANDARD
END:VTIMEZONE
BEGIN:VEVENT
DTSTART;TZID=UTC:20260604T200000
DTEND;TZID=UTC:20260604T223000
DTSTAMP:20260527T232520
CREATED:20260515T112758Z
LAST-MODIFIED:20260515T112758Z
UID:19780-1780603200-1780612200@aras-eanna.ie
SUMMARY:Clare Sands
DESCRIPTION:As Corcaigh í Clare Sands\, fidléir den tséú glúin agus amhránaí dátheangach. Tarraingíonn sí go domhain ar cheol a sinsear\, agus fíonn sí fréamhacha traidisiúnta Gaelacha le fuaimeanna agus tionchair chomhaimseartha. Tá a cuid amhrán nasctha go domhain le háit\, ag tabhairt béaloideas\, teanga agus gníomhaíochas le chéile sa cheol. Tá cáil uirthi as a fuinneamh bríomhar agus spreagúil – tá spiorad neamheaglach ar nós gaiscíoch aici\, a spreagann agus a aontaíonn lucht éisteachta timpeall an domhain. \nAg dul lena saothair nuálacha ceoil tá léirithe beo spleodracha – tugann sí a lucht éisteachta ar aistear iontach lán le dóchas\, amhránaíocht\, ceiliúradh agus croí. \nBeidh albam nua á eisiúint aici i bhFómhar 2026\, rud a léiríonn nach bhfuil aon chuimhneamh aici moilliú anuas. Is cruthúnas í ar chumhacht buan an cheoil maidir le daoine a aontú agus a spreagadh\, trúbadóir don lá atá inniu ann\, a théann i bhfeidhm ar ghlúnta agus ar chultúir éagsúla. \nDéardaoin\, 4 Meitheamh\, 8:30i.n.\, Áras Éanna \nTicéid €25/20 ar Eventbrite
URL:https://aras-eanna.ie/event/clare-sands-2026/
LOCATION:Áras Éanna
CATEGORIES:Concert,Events
ATTACH;FMTTYPE=image/png:https://aras-eanna.ie/wp-content/uploads/2026/05/InisOirr_CS_Blank.png
ORGANIZER;CN="Aras Eanna Ionad Ealaine":MAILTO:araseanna@gmail.com
END:VEVENT
BEGIN:VEVENT
DTSTART;TZID=UTC:20260619T203000
DTEND;TZID=UTC:20260619T223000
DTSTAMP:20260527T232520
CREATED:20260520T093708Z
LAST-MODIFIED:20260520T103414Z
UID:19790-1781901000-1781908200@aras-eanna.ie
SUMMARY:Maria Somerville + Olan Monk
DESCRIPTION:Dé hAoine\, 19 Meitheamh\, 8:30i.n.\, Áras Éanna \nTicéid €30/25 \n(Grianghraf MS le Cáit Fahy\, agus OM le Charlie Doherty) \nMaria Somerville \nBhí an ceoltóir Éireannach\, Maria Somerville\, imithe as a háit dúchais i gConamara le fada an lá faoin am ar thosaigh sí ag scríobh ‘Luster’\, a céad albam don lipéad cáiliúil 4AD. D’fhás sí suas faoin tuath i dtírdhreach fiáin sléibhtiúil chósta thiar na Gaillimhe agus bhog sí ina dhiaidh sin go Baile Átha Cliath\, áit ar thóg sí a ham ag forbairt stíl ceoil atmaisféarach dream pop a bhí spreagtha ag tírdhreach a hóige – domhan fuaime draíochtúil leictreonaice\, strumáil aerga giotáir\, cnagadh éadlúth\, agus liricí íseal ceoil. Tháinig sé seo uilig le chéile sa bhliain 2019 in ‘All My People’\, albam féinfhoilsithe lán le haisfhuaimniú\, cumha agus tnúthán don bhaile\, a thuill moladh ón bpreas agus ó éisteoirí géarchúiseacha araon. \nNuair a d’fhill sí ar Chonamara\, chuig teach in aice leis an áit ar tógadh í\, ag breathnú amach ar Loch Coirib\, ceann de na lochanna is mó in Éirinn\, thosaigh sí ag obair ar na hamhráin a chríochnaigh suas ar an albam Luster\, albam a thugann léiriú nua ar cheol Somerville\, á bhrú chun cinn ó thaobh fuaime agus spiorad. Chuir ‘Where All My People’ cuimhní agus tnúthán duairc in iúl trí bhailéid mhalla ceobhránacha\, ach taispeánann na 12 traic seo ealaíontóir atá níos muiníne ar an gcosán saoil atá glactha anois aici agus atá inti féin mar dhuine. \nMar a chanann sí i ‘Trip’ – – “I can see more clearly than I could before. I know now what’s true for me.” \nNuair a d’fhill sí ar a háit dúchais fuair sí spreagadh as an timpeallacht agus misneach ón bpobal rud a thug fuinneamh cruthaitheach nua di. Ba ‘thalamh torthúil’ an áit do sheisiúin taifeadta neamhshrianta\, bhain sí úsáid as a seomra beag suí mar stiúideo\, áit ar chuir sí taifeadtaí samplacha le chéile a forbraíodh ansin le cabhair cairde agus comhoibrithe\, agus a mheasc an t-innealtóir cáiliúil Gabriel Schuman atá lonnaithe i Nua-Eabhrac.I measc na gcuiditheoirí bhí na léiritheoirí J. Colleran\, Brendan Jenkinson agus Diego Herrera (aka Suzanne Kraft)\, mar aon le Ian Lynch ó Lankum\, a gcloistear dosanna a phíb uilleann ar ‘Violet’ agus Margie Jean Lewis le boghanna a veidhlín ag aisfhuaimniú trí smúit thimpeallach ‘Flutter’. Bhí seisiúin leis na ceoltóirí Henry Earnest agus Finn Carraher McDonald (aka Nashpaints) ina chúnamh mór chun é uilig a thabhairt ina chéile\, agus chuir rannchuidiú a cairde Roisin Berkley agus Olan Monk leis an gcomrádaíocht eatarthu ó d’fhill Somerville ar Chonamara. \nÓ 2021\, tá léargas faighte ag éisteoirí ar shaol Somerville trína Early Bird Show ar Raidió NTS gach maidin Luan agus Máirt\, ina gcloistear meascán roghanna ceoil timpeallach agus shoegaze go hamhráin traidisiúnta Éireannacha. An bhliain chéanna sin shínigh sí le 4AD agus chuaigh sí ar chamchuairt lena comrádaithe lipéad ‘Dry Cleaning’\, ag taifeadadh dhá chlúdach do chomóradh 40 bliain an lipéid – ‘Kinky Love’ le Nancy Sinatra agus ‘Sea Bird’ le Air Miami. Le heisiúint ‘Luster’ bhí ré nua á chur in iúl aici inar facthas í in 2025 ag seinm mórthimpeall an domhain le banna beo. Is féidir leat a bheith cinnte áfach cibé áit a dtéann Somerville go dtugann sí píosa den bhaile léi – spiorad buan beo atá le mothú i chuile nóta chomh glan leis an aer le hais na Coiribe. \nOlan Monk – ceoltóir\, taibheoir agus scríbhneoir as Conamara\, Éire \nTá a ndara albam\, Songs for Nothing\, amuigh anois ar AD 93. \nScríobhadh an t-albam tar éis do Monk filleadh ar chósta thiar na hÉireann\, agus tarraingíonn sé ar amhránaíocht sean-nóis agus liriciúlacht fhaoistiniúil Shinéad O’Connor\, ag meascadh traidisiún Éireannach le rac gotach trialach. Trí uigeacht éagsúil shoegaze\, cloudrap agus foinn mhalla músclaíonn an t-albam tírdhreach garbh Chonamara mar aon le mothú domhain áite. \nLe rannchuidiú Maria Somerville\, Michael Speers\, Dylan Kerr\, agus daoine eile\, trí Songs for Nothing athshamhlaítear traidisiúin amhránaíochta na hÉireann le déine amh chroíúil. Tiomnaíonn Monk é “do Chonamara agus dóibh sin uilig arbh é a mbaile é” \nScríobhann siad amhráin thrialacha agus coitianta\, bíonn siad ar stáitse astu féin agus in éindí le ceoltóirí eile\, lena n-áirítear taifeadtaí agus léirithe le Actress\, Ashley Paul\, Elvin Brandhi\, James K\, Maria Somerville\, Michael Speers\, Moin\, Princ€ss agus Shampain. I gcomhar le Lugh O’ Neill bhunaigh siad C.A.N.V.A.S. in 2018 mar shraith imeachtaí agus lipéad ceoil\, chun tacú le pobal ealaíontóirí atá ag éirí níos scaipthe agus chun ardán comhroinnte a thabhairt dóibh. \nI measc eisiúintí dá gcuid roimhe seo tá Love/Dead (2020) agus Auto Life (2021) ar C.A.N.V.A.S. agus Dubplate 08 (2022) ar AD 93. Chuir siad an singil ‘Surf’ ar fáil d’albam Scenic Route -The Road Less Travelled (2024) agus tá siad le cloisteáil ar an singil ‘Guess It’s Wrecked’\, ó tríú albam Moin ‘You Never End’ (2024)\, a bhí eisithe ar AD 93. Bhí siad ar stáitse ag Rewire sa Háig; Aiséirí i Leisureland\, Gaillimh; An Ceoláras Náisiúnta\, B.Á.C; Ionad Taighde Sonic Arts\, Béal Feirste; caifé OTO\, Londain; Halla Barbican\, Londain; An Institiúid um Ealaín Chomhaimseartha\, Londain; PAF Olomouc; EOS crossings\, Frankfurt agus ar fud na hÉireann\, Sasana agus Mór-roinn na hEorpa.
URL:https://aras-eanna.ie/event/maria-somerville-olan-monk/
LOCATION:Áras Éanna
CATEGORIES:Ceolchoirm,Concert
ATTACH;FMTTYPE=image/png:https://aras-eanna.ie/wp-content/uploads/2026/05/MS_OM.png
ORGANIZER;CN="%C3%81ras %C3%89anna":MAILTO:eolas@aras-eanna.ie
END:VEVENT
BEGIN:VEVENT
DTSTART;TZID=UTC:20260716T203000
DTEND;TZID=UTC:20260716T230000
DTSTAMP:20260527T232520
CREATED:20260520T103221Z
LAST-MODIFIED:20260520T105816Z
UID:19804-1784233800-1784242800@aras-eanna.ie
SUMMARY:Lisdoon-Nirvana
DESCRIPTION:Déardaoin\, 16 Iúil\, 8:30i.n.\, Áras Éanna \nTicéid €30/25 \nMonalóg drámata aonair le Frankie McCafferty. \nTuaraisc Jackie Hayden – úsáidte le cead ón ealaíontóir. \nSa bhliain 1983 a bhí an fhéile cheoil dheiridh i Lios Dúin Bhearna i gCo. an Chláir agus páirteach ann bhí Rory Gallagher\, Christy Moore\, Stockton’s Wing\, De Danann\, Van Morrison\, Moving Hearts agus dreamanna eile. Ar fhaitíos nach raibh tú ann\, nó go raibh tú ansin ach gur chaill tú amach air mar go raibh “rudaí eile” le déanamh agat tugann monalóg impriseanaíoch Frankie McCafferty léiriú breá air. Ar na príomhcharachtair tá an déagóir saghas neamhurchóideach Macker agus a chomrádaithe as Dún na nGall\, duine acu a bhí ag maíomh go mbeadh sé ina réalta rac-cheoil. Rinne roinnt cailíní as Tuaisceart Éireann an turas freisin agus súil ann go mbeadh coiscíní acusan tharla cosc a bheith fós orthu sa deisceart a bhí faoi chois an Chaitliceachais. \nLe linn don lucht éisteachta a bheith ag suí sna suíocháin sheinn McCafferty\, a scríobh an script freisin\, roinnt cordaí simplí ar ghiotár fuaimiúil. Sna 75 nóiméad gnóthach ina dhiaidh sin d’éirigh leis na neamhchinnteachtaí a bhain lena dturas isteach sa bhfíor-dheisceart a chur trasna agus é ag sleamhnú gan stró ó charachtar amháin go carachtar eile\, go minic i lár abairte agus corr uair le gotha nó geáitse a léirigh a n-inscne chomh maith lena soineantacht. Chuir sé in iúl go héifeachtach an stop éigeantach a chaitheadh na mná a dhéanamh ag an teorainn\, go háirithe an radharc nuair a b’éigean do dhuine acu rith go tobann ag an leithreas. \nChuir an ceol sa gcúlra le hatmaisféar na hócáide in fhad agus a bhí na fir óga ag déileáil le cúrsaí ar nós leithris nach raibh an-iontach\, campa nach raibh thar mholadh beirte agus círéibeacha a raibh baint ag roinnt Hells Angels leo\, rud a bhí ina chúis ar deireadh thiar le críoch na féile\, bhí siad faighte le “slándáil a threisiú” ag daoine nach raibh ar an eolas gur maraíodh fear i gcúinsí mar an gcéanna ag gig de chuid na Rolling Stones i SÁM i 1969. \nAinneoin neamhurchóideacht Macker d’éirigh leis caidreamh collaí a bheith aige den chéad uair\, mír a chuir McCafferty i láthair go héifeachtach chun an gnáthcheangal idir gnéas\, drugaí agus rac is roll a chur trasna. Tá sé sin níos lú ná daichead bliain ó shin ach breathnaíonn sé gur pláinéad eile ar fad atá anois againn. Tá ardmholadh ag dul do McCafferty as a ghrinneas súl agus as muid a thabhairt ar ais siar chuig an bhféile trí phíosa amharclannaíochta greannmhar\, siamsúil agus oideachasúil.
URL:https://aras-eanna.ie/event/lisdoon-nirvana/
LOCATION:Áras Éanna
CATEGORIES:Dramaíocht,Theatre
ATTACH;FMTTYPE=image/jpeg:https://aras-eanna.ie/wp-content/uploads/2026/05/Lisdoon-Poster-Landscape.jpg
ORGANIZER;CN="%C3%81ras %C3%89anna":MAILTO:eolas@aras-eanna.ie
END:VEVENT
BEGIN:VEVENT
DTSTART;TZID=UTC:20260820T203000
DTEND;TZID=UTC:20260820T223000
DTSTAMP:20260527T232520
CREATED:20260520T111157Z
LAST-MODIFIED:20260520T111157Z
UID:19816-1787257800-1787265000@aras-eanna.ie
SUMMARY:Johnny's Got a Bus Pass
DESCRIPTION:Déardaoin 20 Lúnasa\, 8:30i.n.\, Áras Éanna \nIn Iarthar na hÉireann atá Little John Nee ag cur faoi\, scríbhneoir\, taibheoir agus ceoltóir a bhfuil gradaim bronnta air. Tá a stíl féin aige den scéalaíocht cheolamharclannaíochta\, atá greannmhar agus brónach ag an am céanna\, agus aitheantas idirnáisiúnta bainte amach aige dá bharr. \nIs cruthaitheoir bisiúil oibre é don amharclannaíocht agus toghadh mar bhall d’Aosdána é mar aitheantas ar an méid atá déanta aige ar son chultúr na hÉireann.
URL:https://aras-eanna.ie/event/johnnys-got-a-bus-pass/
LOCATION:Áras Éanna
CATEGORIES:Theatre
ATTACH;FMTTYPE=image/jpeg:https://aras-eanna.ie/wp-content/uploads/2026/05/ljn-scaled.jpg
ORGANIZER;CN="%C3%81ras %C3%89anna":MAILTO:eolas@aras-eanna.ie
END:VEVENT
END:VCALENDAR